Швеция электромобиллар учун инқилобий инфратузилма қурмоқда. Бу йўл машиналарни ҳаракатланаётганда қувватлаш имконини беради. Дунёда биринчи бўладиган бу электр йўл Европа Иттифоқининг 2035 йилдан бошлаб «ноль зарарли чиқинди» талабига жавобан яратилмоқда.

Электрлаштирилган йўл орқали автомобиллар ва юк машиналари батареяни тўхтамасдан қувватлайди. Бу технология ҳайдовчиларнинг қувват станцияларида вақт йўқотмаслигини таъминлайди, катта ҳажмдаги батареяларга эса эҳтиёж қолмайди.

Айни пайтда қувват узатиш тизимининг якуний варианти аниқланмаган. Уч асосий технология кўриб чиқилмоқда:

• Контактли тизим — ҳаво симлари орқали оғир транспорт воситаларига мўлжалланган.

• Кондуктив тизим — смартфон панели каби, автомобиль махсус майдончага кирганда симсиз қувват олади.

• Индуктив тизим — йўл остига ўрнатилган мис катушкалар орқали электромобилларга энергия узатилади.

Бу инновация нафақат экологик транспортга ўтишни тезлаштиради, балки бутун дунёда автомобиль йўлларини қандай тасаввур қилишимизни тубдан ўзгартиради.

Лойиҳа 2025 йилда ишга тушиши кутилмоқда ва у глобал экологик транспорт тизимида муҳим бурилиш ясаши мумкин.

<iframe width="560" height="315" src="https://www.youtube.com/embed/6dbhTuHDeT4?si=tgTsTGEeZvi_7Tpu" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА