Сайловга бир кун муддат қолди. Ушбу муҳим сиёсий жараён ҳар бир фуқаронинг ўз сиёсий ҳуқуқларини амалга ошириши орқали жамият равнақига ҳисса қўшишларига хизмат қилади.

Сайловчилардан келган сайлов жараёнларига оид навбатдаги саволларни эътиборингизга ҳавола этамиз. Уларга Марказий сайлов комиссияси аъзоси Мухтабар Ҳусанова жавоб берди.

— Сайлов участкаси бизнинг яшаш жойимиздан бироз узоқроқда жойлашган. Аниқроғи, 2 та қишлоқ сайловчилари учун битта сайлов участкаси бор. Ўзи сайлов участкаларини тузиш тартиби қандай?

— Сайлов участкаларини тузиш тартиби сайловчиларнинг сонидан келиб чиқилади. Яъни, камида 20 нафар, кўпи билан 3 минг нафагача сайловчи бўлган ҳудудда сайлов участкаси тузилади. Бунда бошқа округлар ҳудудига кириб кетмаслик талаб этилади. Айрим кичкина ҳудудларда ҳам 2-3тадан сайлов участкасини тузишга тўғри келиши мумкин. Бу аҳоли зичлигидан келиб чиқилади. 

— Хориждаги ватандошларимиз сайловда қандай тартибда иштирок этадилар?

— Албатта, хориждаги Ўзбекистон фуқаролари ҳам парламент сайловида иштирок этади. Улар хорижий мамлакатлардаги сайлов участкасидан овоз беришлари учун рўйхатдан ўтадилар. Ҳар бир элчихона ва ваколатхоналаримиз томонидан тегишли ҳудуддаги фуқароларимизга сайловга оид маълумотлар бериб бориляпти. Хориждаги ватандошларимиз фақат пропорционал сайлов тизими бўйича сиёсий партияларга овоз берадилар. 

<iframe width="650" height="420" src="https://www.youtube.com/embed/UWOMhtZKukg" title="Ikkita hudud uchun bitta saylov uchastkasi tuzilishi mumkinmi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова, Аброр Содиқов, Анвар Аҳмедов (видео), ЎзА