Indian-Uels shahrida (AQSH) ayollar o‘rtasida WTA 1000 toifasiga kiruvchi "Indian Wells Open" xalqaro turnirining asosiy to‘r bahslariga yo‘llanma beruvchi saralash uchrashuvlari boshlandi.

Quvonarlisi, mazkur musobaqaning yakkalik bahslarida mamlakatimiz sharafini Kamilla Rahimova va Mariya Timofeyeva himoya qilmoqda. Saralash bosqichining ilk davrasida Kamilla argentinalik Mariya Lurdes Karle ustidan 6:2, 6:2 hisobida g‘alaba qozongan bo‘lsa, Mariya niderlandiyalik Syuzan Lamensni xuddi shu hisobda mag‘lub etdi.

Shu tariqa saralashning keyingi bosqichiga yo‘l olgan Kamilla va Mariya qur’a natijasiga ko‘ra o‘zaro bahs olib boradi. Ushbu uchrashuv g‘olibi turnirning asosiy to‘r birinchi davrasiga yo‘l oladi.

Javohir Toshxo‘jayev, O‘zA