Индонезия пойтахти Жакарта шаҳрида қиличбозликнинг барча йўналишлари бўйича ўтказилаётган ўсмирлар ва ёшлар ўртасидаги Осиё чемпионатида қиличбозларимиз шоҳсупага кўтарилди.

Чемпионатнинг ёшлар ўртасидаги сабля йўналиши бўйича яккалик баҳсларида Алпамис Ўракбаев кумуш медални қўлга киритган бўлса, Артур Бегжанов бронза медали билан тақдирланди.

Эслатиб ўтамиз, куни кеча мусобақанинг ёшлар ўртасидаги сабля бўйича яккалик беллашувларида Аякўз Жумамуратова ҳамда Фернанда Эррера бронза медалларини қўлга киритган эди. Осиё чемпионати давом этмоқда.

Жавоҳир Тошхўжаев, ЎзА