Хитойда 7-14 февраль кунлари “Ҳарбин-2025” IX қишки Осиё ўйинлари бўлиб ўтади. Ушбу нуфузли мусобақада Ўзбекистон делегацияси таркибида Дилмурод Абдураҳмонов ва Ролан Раимқулов биатлон баҳсларида иштирок этиши кутилмоқда.

Биатлон бўйича Ўзбекистон терма жамоаси аъзолари бўлган Дилмурод Абдураҳмонов ва Ролан Раимқулов айни дамда жорий йилги мавсум ва “Ҳарбин-2025” мусобақасида муносиб иштирок этиш учун Италияда тайёрланмоқда.  

Спортчиларимиз ўқув-машғулот йиғини доирасида Мартелло шаҳрида ташкил этилаётган Халқаро биатлон иттифоқи кубогида қатнашади. Улар мазкур мусобақадаги иштирокини спринт пойгасидан бошлайди.  

Жавоҳир Тошхўжаев,  

ЎзА