Joriy yilning 26 iyul kunidan O‘zbekiston davlat jahon tillari universitetida Xalqaro jurnalistika yo‘nalishi bo‘yicha og‘zaki suhbat asosida ijodiy imtihon boshlandi.

Ijodiy imtihon ikki xil vaqtda bo‘lib o‘tdi. Birinchisi soat 9:00da, ikkinchisi esa soat 14:00 da boshlandi.    

Ijodiy (og‘zaki) imtihonni olish jarayoniga o‘z sohasining professionallari, nazariya va amaliyotni birga olib borayotgan professor-o‘qituvchilar qatnashmoqda.   

Eslatib o‘tamiz, imtihon 4 kun davom etadi. Bugun ijodiy imtihonning ikkinchi kuni. Unda Axborot xizmati va jamoatchilik bilan aloqalar yo‘nalishida abituriyentlar og‘zaki imtihon topshirmoqda.  

Ma’lumotlarga ko‘ra, imtihon javoblari hafta oxiri, yakshanba kuni soat 09:00 dan 18:00 gacha oraliqda chiqadi.  

Nasiba ELIBEKOVA, O‘zA