Davlatimiz rahbari tashabbusi bilan tashkil etilgan Nukus shahridagi I.Yusupov nomidagi ijod maktabida ham “So‘nggi qo‘ng‘iroq” tadbiri bo‘lib o‘tdi.

Tadbirda ijod maktabi direktori R.Tashimov bitiruvchi yoshlar va ishtirokchilarni tabriklab, davlatimiz rahbarining maktab bitiruvchilariga yo‘llagan tabrigini o‘qib eshittirdi.

Joriy o‘quv yilida ijod maktabini 41nafar o‘quvchi bitirayotgan bo‘lsa, ustozlarining ulardan umidi katta. Jumladan,  maktab bitiruvchisi Ajiniyoz Otaniyazov jahon reyting tashkilotlari tomonidan yuqori baholangan  7 ta universitetga iqtisodiyot yo‘nalishida, Guljamol Ospanova AQSHning 6 ta universitetiga jami 345 ming AQSH dollari miqdorida grant sohibi bo‘lib, o‘qishga qabul qilindi.

Shuningdek, maktab bitiruvchilaridan Saqip Qayipnazarova va Alibek Tao‘muratov chet tillari bo‘yicha xalqaro IELTS imtihonlaridan sertifikatni qo‘lga kiritdi.

Tadbirda faol o‘quvchilar  rag‘batlantirildi.

Konsert dasturi namoyish etildi.

Dovud Abibullayev, O‘zA