Шу кунларда мамлакатимизда меҳмон бўлиб турган Халқаро дзюдо федерацияси(IJF) президенти Мариус Визер бошчилигидаги делегация пойтахтимиздаги “Олимпия шаҳарчаси” спорт иншоотлари билан танишув асносида Ўзбекистонда спорт соҳасида эришилаётган ютуқларни юқори баҳолади.

Ўзбекистон спорт вазири Адҳам Икромов, Миллий олимпия қўмитаси раисининг биринчи ўринбосари Отабек Умаров, МОҚ Бош котиби Ойбек Қосимов ҳамда Ўзбекистон дзюдо федерацияси раиси Азизжон Комилов билан мулоқот жараёнида IJF президенти Мариус Визер ҳамкорлик алоқалари йилдан-йилга ривож топиб бораётганини, ҳамжиҳатлик асосида манфаатли лойиҳалар ҳаётга татбиқ этилаётганига тўхталиб, ўзбек спортчилари дзюдо бўйича халқаро ареналарда улкан ютуқларни қўлга киритаётганини эътироф  этди.

Мамлакатимиз мезбонлигида 40 га яқин давлат спорт делегациялари иштирокида ўтаётган “OTP Group Tashkent Grand Slam 2026” турнири Ўзбекистоннинг халқаро нуфузига салмоқли таъсир кўрсатишидан далолат экани айтиб ўтилди.

Учрашувда Ўзбекистонда дзюдони янада ривожлантириш истиқболлари атрофлича муҳокама қилинди.

Т.Рўзиев, ЎзА