Юртимиздаги ноқулай об-ҳаво шароитини инобатга олган ҳолда фуқароларнинг осойишталигини таъминлаш, ҳаёти ва соғлиғи ҳамда мулкини ҳимоялаш, шунингдек қийин вазиятларда кўмак кўрсатиш мақсадида ички ишлар вазири генерал-лейтенант Пўлат Бобожоновнинг буйруғига асосан Ички ишлар органларининг барча шахсий таркиби кучайтирилган хизмат тартибига ўтказилди.

Ўз навбатида, Ички ишлар вазирлиги фуқаролар ва юртимизнинг меҳмонларига мурожаат қилди.  

Унда ўзингизга ёки яқинларингизга нисбатан ҳар қандай таҳдидли вазиятларда, хонадонда, кўчада ёки йўлларда бўлишингиздан қатъи назар, ички ишлар органларига 102, 1102 ва 1173 қисқа рақамлари орқали мурожаат қилиш сўралди.  

ЎзА