ФОТОРЕПОРТАЖ

Бугун пойтахтимизда гандбол бўйича IHF Trophy турнирининг қитъалараро босқичи бошланди. 18 ҳамда 20 ёшли қизлар ўртасида ўтказилаётган турнирда ўз минтақаларида ғалаба қозонган жамоалар чемпионлик учун кураш олиб боради.

Бугуннинг ўзида “Алпомиш” муз саройида мусобақанинг тантанали очилиш маросими бўлиб ўтди. Очилиш маросимида Ўзбекистон Республикаси Спорт вазирлиги, Миллий олимпия қўмитаси ҳамда IHF Trophy турнири, Гандбол федерацияси мутасаддилари иштирок этди. Шунингдек, тадбирда ўзбек жанг санъати спортчиларининг чиқишлари, миллий ашула ва рақс гуруҳларининг жозибали кичик дастури йиғилганлар эътиборини ўзига қаратди.

Баҳслар “Алпомиш” ҳамда Республика олимпия ва паралимпия спорт турларига тайёрлаш маркази залларида бўлиб ўтмоқда. 

[gallery-16156]

Муҳаммад АМИН (сурат), ЎзА