"Пахтакор" футболчиси Игор Сергеев ЎзПФЛ экспертлари талқини бўйича Суперлигада расман йил футболчиси деб топилди.

Ушбу йўналишда Игор Сергеевдан ташқари йил футболчиси номига “Сўғдиёна” жамоаси аъзоси Люпче Дориев (16 гол, 9 ассист) ҳамда “Нефтчи” вакили Жамшид Искандеров (7 гол ва 10 ассист) даъвогарлик қилган эди.

ЎзПФЛ экспертлари Игор Сергеевни йил футболчиси деб топишига унинг жорий йилги мавсумда намойиш этган ёрқин ўйинлари бўлди.

Жумладан, "Пахтакор" тарбияланувчиси Суперлигада 20, Ўзбекистон Кубогида 5 та гол муаллифига айланди ва жамоасининг 14-кубокни қўлга киритишига катта ҳиссасини қўшди. Шунингдек, Игорь Суперлигада тўпурар бўлди ва рамзий жамоа сафидан ўрин олди. У "Пахтакор"нинг кўплаб футболчилари қаторида миллий термамизнинг жаҳон чемпионатига йўл олишига ёрдам берди.

Жавоҳир Тошхўжаев, ЎзА