Ресейлік IFly Airlines әуе компаниясына Өзбекстанға ұшуға уақытша тыйым салынды.

Көлік министрлігінің хабарлауынша, жолаушылардың құқықтары мен міндеттерін сақтау мақсатында «Узавиация» агенттігі 2020 жылдың қазан айында әуе компанияларына Өзбекстан әуежайларына чартерлік рейстерді жүзеге асыру жөніндегі уәкілетті орган саналатын «Узавиация» компаниясының рұқсатынсыз билеттерді сатуды тоқтату туралы ескерту хат жолдаған.

Осы ескертуге қарамастан, IFly Airlines тиісті рұқсатты алмай және талаптарды өрескел бұзу арқылы 2021 жылдың қараша айында Мәскеу - Үргеніш - Санкт-Петербург - Үргеніш - Мәскеу, Науаи - Мәскеу және Санкт-Петербург - Науаи - Санкт-Петербург бағыттары бойынша чартерлік рейстерге әуе билеттерін сатуды ұйымдастырды. Салдарынан билетте көрсетілген уақытта жолаушылар әуежайға келгенде, көрсетілген бағыттағы рейстің орындалмауы жолаушылар арасында әлеуметтік шиеленіс тудырды.

«Узавиация» осы жағдайға байланысты IFly Airlines компаниясына санкция ретінде Өзбекстанға чартерлік рейстерді уақытша тоқтату туралы шешім қабылдап, басқа әуе компанияларында мұндай жағдайлар қайталанатын болса ұшуларға берілген пайдалану рұқсаттарын қайтарып алатынын ескерткен.