Халқаро футбол тарихи ва статистикаси федерацияси (IFFHS) дунёнинг энг кучли клублари янги рейтингини эълон қилди ва ундан мамлакатимизнинг уч жамоаси ўрин олди.

Мазкур рейтингни шакллантиришда 2023 йил 1 июлдан 2024 йил 30 июнгача бўлган даврда қайд этилган натижалар эътиборга олинди. Жадвалнинг энг юқори поғонасидан УЕФА Чемпионлар лигасининг амалдаги ғолиби, Европа қитъасининг энг кучли жамоаларидан бири “Реал Мадрид” клуби биринчи поғонадан ўрин олди.  

Ушбу жамоа бир йил давомида 371 балл тўплади. Европа жамоалари – “Манчестер Сити”, “Байер”, “Аталанта”, “Боруссия Дортмунд”, “Атлетико Мадрид”, “Бавария”, “Барселона”, “Арсенал”, “Интер” кучли ўнликка кирди.   

Биз учун аҳамиятлиси, “IFFHS”  рейтингида мамлакатимизнинг “Насаф” жамоаси 88,25 балл билан 201-ўриндан жой олган бўлса, “Навбаҳор” клуби 83,75 балл жамғариб, 221-қатордан ўрин эгаллади. “Пахтакор” эса жаҳон рейтингида 51 балл тўплаб 496-ўринга жойлашди.   

Жавоҳир Тошхўжаев, ЎзА