Халықаралық футбол қауымдастықтары кеңесі (IFAB) матч барысында командалар құрамына 5 футболшыны ауыстыру ережесі сақталатынын хабарлады.

Бұл ереже коронавирустық пандемияға байланысты енгізілді және ойын барысындағы өзгерістер саны тағы 5-тен 3-ке дейін қысқарады деген қауесет тарады. Бірақ IFAB футболдағы бұл өзгеріс сақталатынын айтты.

«Бүгінгі IFAB отырысында футбол ережелеріне бұл өзгерісті тұрақты түрде енгізу және бүкіл футбол қауымдастығының бірауыздан қолдауы бойынша бірқатар ұсыныстар мақұлданды. Турнир ұйымдастырушыларының қалауы бойынша резервтегі ойыншылардың санын 12-ден 15-ке дейін арттыруға рұқсат етілді», - делінген ұйымның ресми сайтында.