ФОТОРЕПОРТАЖ

Бугунги кунда маҳаллий ишлаб чиқаришни қўллаб-қувватлаш, саноат корхоналари рақобатбардошлигини ошириш ва уларни ташқи бозорга олиб чиқишга давлат иқтисодий сиёсатининг устувор йўналишларидан бири сифатида қаралмоқда. Айниқса, тикув-трикотаж соҳасида фаолият юритаётган тадбиркорлик субъектларини ривожлантириш орқали аҳоли бандлигини таъминлаш ва экспорт салоҳиятини кенгайтириш муҳим йўналишлардан.

Наманган шаҳридаги “Asl_textile” масъулияти чекланган жамияти эркаклар устки кийимларини ишлаб чиқаришга ихтисослашган бўлиб, ҳозирги кунда бу ерда 40 нафар фуқаронинг доимий бандлиги таъминланган. Корхона маҳсулотлари ички бозорга етказиб берилмоқда.

[gallery-26993]

Корхона келгусида ташқи бозорга чиқиш, экспорт фаолиятини йўлга қўйиш ҳамда йилига 1 миллион АҚШ доллари миқдорида маҳсулот экспорт қилишни режалаштирган. 

Ҳотам МАМАДАЛИЕВ (сурат), ЎзА