Халқаро кўзи ожизлар федерацияси (IBSA) дзюдо бўйича янгиланган жаҳон рейтингини эълон қилди. Унда Ўзбекистон терма жамоасининг 15 нафар аъзоси турли поғоналарда қайд этилди.

Қувонарлиси, рейтинг жадвалининг J2 йўналишида  вазни 64 килограммгача бўлган полвонимиз Кемран Нуриллаев 1600 очко билан 1-ўриндан жой олди. Ушбу вазндаги иккинчи дзюдочимиз Шерзод Намозов 1152 очко жамғариб, иккинчи ўринда қайд этилди. Қизлар орасида эса 832 очко тўплаган Моҳинур Пармонова кучли бешталикни якунлаб берди.  

J1 тоифасида эса Улжон Амриева (-60 кг) 1600 очко билан учинчи поғонадан ўрин олган бўлса, Шоҳрух Мамедов -81 кг. вазндаги дзюдочилар ўртасида 992 очкога эга чиқиб, 6-поғонада эътироф этилди.

Қуйида пара дзюдочиларимизнинг рейтинг жадвалидаги ўрни билан танишасиз:  

Эркаклар, J1 тоифаси:

Шоҳрух Мамедов – 81 кг, 6-ўрин (992 очко)

Муҳаммад Абдуқулов – 95 кг, 10-ўрин (416 очко)

Турғун Абдиев – 95 кг, 13-ўрин (256 очко)

Асилжон Мамасиддиқов – 95 кг, 14-ўрин (224 очко)

Шаҳзод Хушвахтов – +95 кг, 10-ўрин (224 очко)

J2 тоифаси:

Кемран Нуриллаев – 70 кг, 10-ўрин (800 очко)

Шерзод Намозов – 70 кг, 11-ўрин (576 очко)

Довурхон Кароматов – 95 кг, 5-ўрин (1152 очко)

Исломжон Тўхтабоев – +95 кг, 13-ўрин (64 очко)

Аёллар, J1 тоифаси:

Наргиза Атахонова – 52 кг, 13-ўрин (160 очко)

Фотима Тойирова – 52 кг, 14-ўрин (128 очко)

Улжон Амриева – 60 кг, 3-ўрин (1600 очко)

Муҳаррамхон Абдусаматова – 70 кг, 9-ўрин (416 очко)

Бибисора Усмонова – 70 кг, 11-ўрин (224 очко)

Хосиятхон Фозилжонова – 70 кг, 11-ўрин (224 очко)

Феруза Эргашева – +70 кг, 3-ўрин (928 очко).

Жавоҳир Тошхўжаев,

ЎзА