Xalqaro boks federatsiyasi (IBF) professional bokschilarning yangilangan reytingini e’lon qildi. Unga ko‘ra, mazkur jadvaldan uch nafar o‘zbekistonlik bokschi o‘rin olgan.

Jumladan, super og‘ir vazn toifasida Bahodir Jalolov 6-o‘ringa ko‘tarilgan bo‘lsa, ikkinchi eng yengil vazn toifasida Murodjon Ahmadaliyev 11, ikkinchi o‘ta yengil vazn toifasida esa Hasanboy Do‘smatov 12-o‘rindan joylashdi. Qolgan professional bokschilarimiz o‘z vazn toifalarida mazkur yangi reyting jadvaliga kira olmadi.

Ma’lumot o‘rnida, 31 yoshli Murodjon Ahmadaliyev faoliyati davomida 16 ta jangda ishtirok etib, 14 g‘alaba va 2 mag‘lubiyat rasmiylashtirgan. U ayni damda Kaliforniyaning Indio shahridagi yig‘inda WBA tituliga da’vogar Bektemir Meliqo‘ziyev va sobiq jahon chempioni Isroil Madrimov bilan birgalikda mashg‘ulotlar o‘tkazmoqda.

Javohir Toshxo‘jayev,  

O‘zA