Низомий номидаги Тошкент давлат педагогика университетида “Кичик бизнес – мамлакат иқтисодий тараққиётининг гарови” мавзуида илмий-амалий конференция бўлиб ўтди.

Низомий номидаги Тошкент давлат педагогика университетида “Кичик бизнес – мамлакат иқтисодий тараққиётининг гарови” мавзуида илмий-амалий конференция бўлиб ўтди.

“Соғлом она ва бола йили” Давлат дастури доирасида ташкил этилган тадбирда университет профессор-ўқитувчилари ва талаба-ёшлар иштирок этди.

Университетнинг ўқув ишлари бўйича проректори Д.Эргашев ва бошқалар мамлакатимизда кичик бизнес ва хусусий тадбиркорлик фаолиятини ривожлантириш орқали халқимизнинг турмуш даражасини яхшилаш, ёшларда тадбиркорлик кўникмасини шакллантириш, аҳолининг реал даромадларини ошириш ва бандлигини таъминлашга алоҳида эътибор қаратилаётганини таъкидлади.

Анъанавий тарзда ўтказилаётган “Менинг бизнес ғоям”, “Ёш тадбиркор – юртга мададкор” танловлари ёшларни касбга йўналтириш, уларда тадбиркорлик кўникмаларини шакллантиришда алоҳида ўрин тутмоқда.

Конференцияда кичик бизнес ва хусусий тадбиркорлик субъектларининг кредитлар, хомашё ресурслари, шунингдек, давлат харидлари тизимидан фойдаланиш имкониятини кенгайтириш, кичик бизнеснинг экспорт салоҳиятини ривожлантириш учун зарур бўлган ташкилий, ҳуқуқий, молиявий механизм шароитларини яратиш юзасидан фикр-мулоҳазалар билдирилди.