2020 жылдың желтоқсанында Apple 2024 жылдан бастап өзінің жүргізушісіз автомобильдерін шығаруды жоспарлап отырғаны белгілі болды.

The Korea Economic Daily басылымы автомобиль өндіруші өкіліне сілтеме жасап, бірнеше автомобиль өндірушілер, соның ішінде Hyundai компаниясы Apple-мен электромобилдерді бірлесіп шығару туралы келіссөздер жүргізіп жатқанын хабарлады. Hyundai CNBC-ге бұл ақпаратты растап, әзірге түпкілікті шешімдер қабылданбағанын айтқан. 

Forbes-тің хабарлауынша, осы жағдайдан кейін Hyundai компаниясының акциялары 25 пайызға дейін өскен. Бұл соңғы 33 жылдағы автоконцерн акцияларының ең жоғары көрсеткіші.