Шу кунларда Италиянинг Милан шаҳрида “ARTIGIANO IN FIYeRA” халқаро ҳунармандчилик кўргазмаси бўлиб ўтмоқда. Унда мамлакатимиздан “Ҳунарманд” уюшмасининг 20 нафар аъзоси иштирок этмоқда.

Мазкур тадбир 25 йилдирки, ҳар йилнинг якунида, 100 дан ошиқ давлатлардан йиғилган ҳунармандлар ҳамда 1,5 миллиондан зиёд ташриф буюрувчилар иштирокида ўтказиб келинади. 

Жорий кўргазмадан Бухоро, Тошкент, Фарғона ва Хоразм вилояти ҳунармандлик қадриятларини акс эттирган маҳсулотлар ўрин олди. Жумладан, ипак сумка, шарф, чопонлар, сўзана, пичоқ, керамика, арча ўйинчоқлари намойиш этилмоқда. 

Кўргазма доирасида “Ҳунарманд” уюшмаси ҳамда “ARTIGIANO IN FIYeRA” ўртасида меморандум имзоланди. 

Гулноза Бобоева, ЎзА