Юртимизда хотин-қизларнинг ижтимоий-иқтисодий, сиёсий фаоллигини ошириш, уларнинг маънавий ва интеллектуал салоҳиятини юксалтириш, саломатлигини мустаҳкамлаш ва уларни иш билан таъминлаш бўйича тизимли ишлар қилинмоқда.

Наманган вилояти Уйчи тумани Гулзор маҳалласида яшовчи Насиба Мўйдинова ҳам юртимизда ёшлар, хотин-қизлар учун яратилаётган имкониятлардан самарали фойдаланаётган ёшларимиздан бири ҳисобланади.

У Президентимизнинг жорий йил 14 февралдаги “Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида”ги қарори асосида ёшлар етакчиси кўмаги билан Ёшлар банки орқали имтиёзли кредит олиб тадбиркорлик фаолиятини бошлади.  

Ҳозирда Насиба тикувчилик фаолиятини йўлга қўйиб, шу орқали оиласига даромад олиб кириш билан бирга, маҳалласидаги хотин-қизларга ҳам ҳунар ўргатиб келмоқда. Қаҳрамонимиз келгусида фаолиятини янада кенгайтирган ҳолда ўз тадбиркорлигини йўлга қўймоқчилигини таъкидлади.

Насиба билан суҳбатнинг тўлиқ шаклини мазкур видеоҳавола орқали кўришингиз мумкин.

<iframe width="650" height="420" src="https://www.youtube.com/embed/ovfKa9cNI7s" title="Hunari bor xor bo‘lmas" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева, ЎзА