Халқаро теннис федерацияси томонидан Сербияда ташкил этилган мусобақада ҳамюртимиз Ҳумоюн Султонов жуфтликлар ўртасида вице-чемпионга айланди.

Ҳумоюн мусобақанинг жуфтлик баҳсларида грузиялик Саба Пуртселадзе билан биргаликда чорак финалда сербиялик теннисчилар Вук Раденович ва Стефан Скобелев дуэтини, ярим финалда эса нейтрал теннисчилар Максим Жуков ва Святослав Гулин тандемини енгиб, финалга йўл олди. Афсуски, Ҳумоюн ва Саба сўнгги ҳал қилувчи финал ўйинида мезбонлар вакили Виктор Йович ва Кристиян Юҳасга имкониятни бой бериб қўйди.   

Шунингдек, Ҳумоюн Султонов халқаро турнирнинг яккалик баҳсларида иштирок этиб, ярим финалга қадар муваффақиятли иштирок этди.  

Жавоҳир Тошхўжаев, ЎзА