Кувайтнинг Заҳра шаҳрида теннис бўйича М15 тоифасига кирувчи халқаро турнирда ҳамюртимиз Ҳумоюн Султонов яккалик баҳсларида чорак финалга чиқди.

Аниқроқ айтадиган бўлсак, Ҳумоюн Султонов яккалик беллашувларининг иккинчи даврасида франциялик Максенс Риветга қарши кортга чиқиб, ҳар иккала сетда бир хил 6:2 ҳисобида муваффақиятга эришди. Энди теннисчимиз ярим финал остонасида руминиялик Роберт Гуна билан куч синашади.

Шунингдек, маҳоратли теннисчимиз мусобақанинг жуфтлик баҳсларида франциялик Константин Биттоун билан тандем ҳосил қилиб, 1/4 финал босқичида мезбонлар вакили Бадер Алабдуллаҳ ва Эсса Қабазард дуэтини 6:3, 6:1 ҳисобида таслим этиб, ярим финалда монаколик Россо Пиатти ва арманистонлик Даниил Сарксиан жуфтлиги билан куч синашадиган бўлди.

Жавоҳир Тошхўжаев, ЎзА