Germaniyada tennis bo‘yicha erkaklar o‘rtasidagi “Wilhelmshöhe Open – 2024” musobaqasi qizg‘in pallaga kirdi. Musobaqaning yakkalik bahslarida mamlakatimizning birinchi raqamli tennischisi Humoyun Sultonov chorak finalga chiqdi.

Humoyun yakkalik bahslarining ilk davrasida germaniyalik Kay Veneltni, ikkinchi bosqichda yana bir germaniyalik tennischi Vinsent Mariskoni mag‘lubiyatga uchratdi va chorak finalga yo‘l oldi. Endi ushbu bosqichda H.Sultonov Buyuk britaniyalik Anton Matusevich bilan kuch sinashadi.   

Ma’lumot uchun shuni ta’kidlab o‘tishimiz joizki, Humoyun Sultonov, juftlik bahslarida germaniyalik Lukas Deliano bilan tandemda chorak finaga qadar yetib bordi. Afsuski, ushbu bosqichda Anton Matusevich (Buyuk Britaniya) hamda Kay Venelt (Germaniya) duetiga imkoniyatni boy berib qo‘ydi.   

Javohir Toshxo‘jayev, O‘zA