Португалияда ҳамюртимиз Ҳумоюн Султонов теннис бўйича M25 тоифасига кирувчи халқаро турнирнинг яккалик ва жуфтлик баҳсларида муваффақиятли иштирок этмоқда.

Ҳумоюн Султонов 1/8 финал баҳсида португалиялик Даниэль Батистани 6:1, 6:2 ҳисобида таслим қилди ва чорак финалда яна бир мезбон теннисчи Фредерико Сильвага қарши кортга чиқадиган бўлди. Ушбу баҳс мамлакатимиз вақти билан бугун соат 13:30дан сўнг бошланади.   

Мусобақанинг жуфтлик баҳсларида Ҳумоюн Султонов германиялик шериги Лукас Далиано билан биргаликда чорак финалда португалиялик Тиаго Бошманс ҳамда Даниэль Маринкас жуфтлигини 6:4, 7:5 ҳисобида мағлубиятга учратди. Шу тариқа Ҳумоюн ва Лукас тандеми ярим финал босқичида Педро Алаухо (Португалия) ва Тиаго Силва (Португалия) дуэти билан куч синашади.  

 Жавоҳир Тошхўжаев, ЎзА