Yaqinda Toshkentning “Humo” klubi xokkey bo‘yicha Qozog‘iston muntazam chempionati birinchi bosqich so‘nggi uchrashuvida Ostona shahrining “Nomad” klubiga qarshi maydonga tushdi.

Turnirda “Humo” 3:1 hisobida g‘alaba qozonib, muxlislarini quvontirdi.

Uchrashuv yakunida an’anaviy “Mishkopad” xayriya tadbiri tashkil etildi. Unda muxlislar birdamlik va saxovat ruhida qatnashib, 1 312 ta yumshoq o‘yinchoqni arena maydoniga jamladi. Ushbu xayrli tashabbus orqali ular murakkab xastaliklarga chalingan bolalarga g‘amxo‘rlik va mehr-muhabbatini yo‘lladi.

To‘plangan o‘yinchoqlar kam uchraydigan irsiy kasalliklar bilan og‘rigan bolalarga hamda Respublika bolalar ijtimoiy moslashuvi markaziga topshiriladi. Tadbir “SMA UMID” va “ISHONCH” xayriya jamg‘armalari ko‘magida tashkil etildi.

<iframe width="560" height="315" src="https://www.youtube.com/embed/hHXoOvZzBpw?si=CBLteZBrT-MM9BO7" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

N.Ziyodullayeva, A.Ahmedov (videomontaj), O‘zA