ФОТОРЕПОРТАЖ

Aндижон шаҳридаги Алишер Навоий номидаги маданият ва истироҳат боғида “Ҳудудгазтаъминот” AЖ бошқарув раиси Маруфхон Хўжаев иштирокида фуқаролар билан сайёр қабул ўтказилди.   

Мулоқот давомида суюлтирилган газдан фойдаланиш қоидалари, маиший газ баллон ва ID карталар олиш тартиби, таъминот муддати, назорат тарозилари ҳақида йиғилганларга батафсил маълумот берилди. Шунингдек, табиий газ таъминотига уланиш, ҳисоб-китобларга оид маълумотлар, таъминотни янада яхшилаш, табиий газдан тежаб фойдаланиш, энергия тежамкор газ жиҳозларининг аҳамиятига оид масалаларда тушунтиришлар ўтказилди.   

[gallery-18375]

Кун бўйи давом этган мулоқотда аҳолидан келиб тушган муаммо ва мурожаатларни тўла назоратга олиш, айрим масалалар бўйича жойига чиқиб ўрганиш олиб бориш бўйича тегишли мутахассисларга топшириқлар берилди.

Зуҳриддин УМУРЗОҚОВ (сурат), ЎзА