Huawei ўзининг Россиядаги Vmall интернет-дўконини ёпди
Хитойнинг смартфонлар ва ноутбуклар ишлаб чиқарувчи Huawei компанияси ўзининг Россиядаги Vmall интернет-дўконини ёпди, деб хабар тарқатди компания.
Сотувлар 1 август куни соат 10:00 да тўхтатилган.
Июнь ойининг бошида Huawei Россиядаги расмий савдо нуқталарини ёпишни бошлаган эди. Компанияга яқин бўлган манбаларнинг РИА Новостига маълум қилишича, 8 июнда 19 та дўкондан тўрттаси фаолиятини тўхтатган. Дўконларнинг ёпилишига асосий сабаб омборларда маҳсулотлар тақчиллиги ҳамда смартфонларга талабнинг пасайиши, дейилади хабарда.