Joriy yilning 11 oktyabr kuni Oʻzbekiston Respublikasi Prezidentining “Davlat mulki obyektlarini va yer uchastkalariga boʻlgan huquqlarni tadbirkorlik subyektlariga sotish tartibini soddalashtirish boʻyicha qoʻshimcha chora-tadbirlar toʻgʻrisida”gi Farmoni qabul qilindi.

Farmonga muvofiq, endilikda, savdolarga chiqarilgan davlat mulki obyektlari – Qoraqalpogʻiston Respublikasi Vazirlar Kengashi raisi va viloyatlar hokimlari tomonidan oʻz vakolatlari doirasida aniqlangan koʻchmas mulk obyektlari investitsiyaviy va ijtimoiy majburiyatlarni belgilagan holda – 1 soʻmga teng qiymatdagi boshlangʻich narxda sotilishi belgilandi.

Shuningdek, boshqa koʻchmas mulk obyektlari boʻyicha – qayta baholanmasdan, ularni oʻtkazish kunidagi savdolarda shakllangan narxda “E-IJRO AUKSION” elektron savdo maydonchasiga oʻtkaziladi va savdoga chiqariladi. 

Investitsiyaviy loyihalarni amalga oshirish uchun auksion oʻtkazmasdan, investor bilan toʻgʻridan-toʻgʻri muzokaralar orqali investitsiyaviy hamda ijtimoiy majburiyatlar belgilagan holda yer uchastkalarini berish va boʻsh turgan davlat koʻchmas mulk obyektlarini belgilagan holda sotib olish imkoniyati ham tugʻildi. 

Unga koʻra, tegishli davlat idoralari tomonidan davlat mulki obyektlari va yer uchastkalariga boʻlgan huquqlarni sotish tartibini soddalashtirish boʻyicha eksperiment tartibi belgilandi.

Eksperiment tartibi bilan davlat mulki obyektlari va yer uchastkalari “E-IJRO AUKSION” yagona elektron savdo maydonchasida tanlov ishtirokchisining investitsiyaviy va ijtimoiy majburiyatlari inobatga olingan holda sotiladi. 

“Elektron onlayn-auksion savdolarni tashkil etish markazi” DUK tomonidan tashkillashtirilayotgan elektron onlayn-auksion savdolariga Respublikaning tuman va shahar hokimliklari tomonidan 3228 ta boʻsh yer uchastkalari, 810 mlrd. 155 mln. 404 ming soʻm investitsiya kiritish, 12199 ta yangi ish oʻrinlarini yaratish sharti bilan 21 mlrd. 241 mln.900 ming soʻm miqdordagi mol-mulklar auksion savdolariga chiqarildi. 

Bugungi kunga qadar “E-IJRO AUKSION” elektron onlayn-auksion savdolarida 1252 ta boʻsh yer uchastkalari 354 mlrd. 528 mln. soʻm investitsiya kiritish, 5436 dan ortiq yangi ish oʻrinlarini yaratish sharti bilan 10 mlrd. 547 mln. 32 ming soʻmga sotildi. 

Hozirda “E-IJRO AUKSION” elektron onlayn-auksion savdolarida 1976 ta boʻsh yer uchastkalari 19 mlrd. 110 mln. soʻm miqdordagi auksion savdolariga chiqarildi.

Misol uchun, elektron onlayn-auksion savdolariga bugungi kundabirgina, Qashqadaryo viloyatining Davlat raqobat boshqarmasi tomonidan 20 ta boʻsh turgan davlat mulki obyektlari boshlangʻich bahosi 1 soʻm miqdorida, 172 yangi ish oʻrinlarini yaratish hamda 8 mlrd. 313 mln. soʻm investitsiya kiritish sharti bilan auksion savdolariga chiqarilgan;

- Samarqand viloyatining Davlat raqobat boshqarmasi tomonidan 18 ta boʻsh turgan davlat mulki obyektlari boshlangʻich bahosi 1 soʻm miqdorida, 225 yangi ish oʻrinlarini yaratish hamda 11 mlrd. 950 mln. soʻm investitsiya kiritish sharti bilan auksion savdolariga chiqarilgan;

- Fargʻona viloyatining Davlat raqobat boshqarmasi tomonidan 53 ta boʻsh turgan davlat mulki obyektlari boshlangʻich bahosi 1 soʻm miqdorida, 532 yangi ish oʻrinlarini yaratish hamda 16 mlrd. 765 mln. soʻm investitsiya kiritish sharti bilan auksion savdolariga chiqarilgan;

- Navoiy viloyatining Davlat raqobat boshqarmasi tomonidan 10 ta boʻsh turgan davlat mulki obyektlari boshlangʻich bahosi 1 soʻm miqdorida, 70 yangi ish oʻrinlarini yaratish hamda 4 mlrd. 175 mln. soʻm investitsiya kiritish sharti bilan auksion savdolariga chiqarilgan;

- Xorazm viloyatining Davlat raqobat boshqarmasi tomonidan 25 ta boʻsh turgan davlat mulki obyektlari boshlangʻich bahosi 1 soʻm miqdorida, 286 yangi ish oʻrinlarini yaratish hamda 16 mlrd. 180 mln. soʻm investitsiya kiritish sharti bilan auksion savdolariga chiqarilgan;

- Surxandaryo viloyatining Davlat raqobat boshqarmasi tomonidan 13 ta boʻsh turgan davlat mulki obyektlari boshlangʻich bahosi 1 soʻm miqdorida, 101 yangi ish oʻrinlarini yaratish hamda 4 mlrd. 120 mln. soʻm investitsiya kiritish sharti bilan auksion savdolariga chiqarilgan;

- Buxoro viloyati viloyatining Davlat raqobat boshqarmasi tomonidan 19 ta boʻsh turgan davlat mulki obyektlari boshlangʻich bahosi 1 soʻm miqdorida, 133 yangi ish oʻrinlarini yaratish hamda 5 mlrd. 550 mln. soʻm investitsiya kiritish sharti bilan auksion savdolariga chiqarilgan;

- Andijon viloyati viloyatining Davlat raqobat boshqarmasi tomonidan 29 ta boʻsh turgan davlat mulki obyektlari boshlangʻich bahosi 1 soʻm miqdorida, 464 yangi ish oʻrinlarini yaratish hamda 7 mlrd.781mln. 596 ming soʻm investitsiya kiritish sharti bilan auksion savdolariga chiqarilgan;

- Namangan viloyatining Davlat raqobat boshqarmasi tomonidan 15 ta boʻsh turgan davlat mulki obyektlari boshlangʻich bahosi 1 soʻm miqdorida, 154 yangi ish oʻrinlarini yaratish hamda 4 mlrd. 850 mln. soʻm investitsiya kiritish sharti bilan auksion savdolariga chiqarilganligi maʼlum boʻldi.

- Jizzax viloyatining Davlat raqobat boshqarmasi tomonidan 25 ta boʻsh turgan davlat mulki obyektlari boshlangʻich bahosi 1 soʻm miqdorida, 331 yangi ish oʻrinlarini yaratish hamda 13 mlrd. 150 mln. soʻm investitsiya kiritish sharti bilan auksion savdolariga chiqarilganligi maʼlum boʻldi.

- Sirdaryo viloyatining Davlat raqobat boshqarmasi tomonidan 18 ta boʻsh turgan davlat mulki obyektlari boshlangʻich bahosi 1 soʻm miqdorida, 150 yangi ish oʻrinlarini yaratish hamda 6 mlrd. 640 mln. soʻm investitsiya kiritish sharti bilan auksion savdolariga chiqarilgan;

- Qoraqalpogʻiston Respublikasining Davlat raqobat boshqarmasi tomonidan 13 ta boʻsh turgan davlat mulki obyektlari boshlangʻich bahosi 1 soʻm miqdorida, 88 yangi ish oʻrinlarini yaratish hamda 4 mlrd. 710 mln. soʻm investitsiya kiritish sharti bilan auksion savdolariga chiqarilgan;

- Toshkent viloyati Davlat raqobat boshqarmasi tomonidan 14 ta boʻsh turgan davlat mulki obyektlari boshlangʻich bahosi 1 soʻm miqdorida, 330 yangi ish oʻrinlarini yaratish hamda 24 mlrd. 580 mln. soʻm investitsiya kiritish sharti bilan auksion savdolariga chiqarilgan;

Bugungi kunga qadar “E-IJRO AUKSION” elektron onlayn-auksion savdolarida 85 ta boʻsh turgan davlat mulki obyektlari 910 ta yangi ish oʻrinlarini yaratish hamda 32 mlrd. 40 mln. soʻm investitsiya kiritish sharti bilan10 mlrd. 473 mln. 85 soʻm miqdorga sotildi.

Tadbirkor va investorlar oʻzlariga maʼqul boʻlgan yer uchastkalarini hamda boʻsh turgan davlat mulki obyektlarini onlayn-auksion savdolarida qatnashib sotib olish imkoniyatlari mavjud. 

AUKSIONDAGI ISHTIROKINGIZ YURT RAVNAQI HAMDA BIZNЕSINGIZ TARAQQIYOTIGA ULKAN HISSA QOʻSHADI