Осиё чемпионлар лигаси иккинчи тур ўйинлари доирасида “Пахтакор” Саудия Арабистонининг “Ал Таавун” жамоасини мағлубиятга учратди 1:0.

Биринчи бўлимда иккала жамоа футболчилари ҳам дарвозаларга йўл топа олишмади. Иккинчи бўлимни “шерлар” назорат қилишди. Ўйиннинг 83-дақиқасида захирадан майдонга қўшилган Икром Алибоевнинг узатмасидан сўнг Ҳожимат Эркинов рақиб дарвозасини ишғол этди.

Шу тариқа “Пахтакор” ОЧЛнинг янги мавсумидаги илк 3 очкосини ишлаб олди.

Иккинчи турдан сўнг “Д” гуруҳида иштирок этаётган барча жамоалар, яъни “Пахтакор”(Ўзбекистон), “Сепахон” (Эрон), “Ал Таавун” (Саудия Арабистони) ҳамда “Ал Дуҳайл” (Қатар)  бир хил – 3 очкодан жамғаришган.

Маълумот учун, 14 апрель куни ОЧЛнинг учинчи турида “Пахтакор” Қатарнинг “Ал Дуҳайл” клубига қарши майдонга тушади.

ЎзА