ФОТОРЕПОРТАЖ

Қорақалпоғистон Республикаси Шуманай тумани “Бегжап” овул фуқаролар йиғини ҳудудида тадбиркор Феруз Жўраев томонидан 1 гектар майдонда иссиқхона ташкил этилган. 

Ҳозирда иссиқхонада парваришланаётган қулупнай кўчатларининг ривожланиши яхши. Бу ерда жами 12 нафар ишсиз хотин-қизнинг бандлиги таъминланган.  Кӯчатларни суғориш ва минерал ўғитлар билан озиқлантириш ишлари автоматик тарзда амалга оширилади.

[gallery-26384]

Қулупнай етиштириш билан Қорақалпоғистон шароитида илк маротаба шуғулланяпмиз, - дейди “Shomanay meridian” МЧЖ бош агрономи Жумағалий Мамбеткаримов. Албатта, баъзи қийинчиликлар учради. Лекин ҳаракатларимиз эвазига кўзлаган мақсадимизга эришдик. 

Иссиқхонада ҳосилдорлик юқори.  Пишиб етилган қулупнай пешма-пеш деҳқон бозорларига чиқарилмоқда. 

Мақсад ҲАБИБУЛЛАЕВ (сурат), ЎзА