Сербия пойтахти Белград шаҳрида имконияти чекланган инсонлар ўртасида давом этаётган шахмат олимпиадасининг 2-тур баҳслари поёнига етди.

Ҳамюртларимиз 2-тур учрашувида қора доналарда Хорватия терма жамоасига қарши баҳс юритди.  

Ўтказилган ўйинлар мобайнида Мамаражабов ва Кимсанбоев рақибларини мағлуб этган бўлса, Шоюсупов ва Зайниддинов дурангга эришди.  

Натижада Хорватия-Ўзбекистон курашида ҳисоб 1:3 кўринишида якунланди.  

Бугун, 1 февраль куни ўтказиладиган 3-тур ўйинларида мамлакатимизнинг матонатли ва иродали шахматчилари Германия терма жамоасига қарши баҳс юритади. Ҳамюртларимиз оқ доналарда ҳаракатланади.  

Кеча ўтказилган 2-тур учрашувларидан кейин Ҳиндистон жамоаси пешқадамликка эришди. Вакилларимиз 23 та жамоа орасида 17-ўринда бормоқда.  

Мусобақалар 5 февралга қадар давом этади.  

Т.Рўзиев,  

ЎзА