Сурхондарё вилояти божхона бошқармаси “Сариосиё” чегара божхона постига қўшни мамлакатдан кириб келган хориж фуқароси О.Н. нинг қўл сумкаси белгиланган тартибда рентген-сканер аппарати орқали божхона назоратидан ўтказилган.

Сканер тасвирлари қўл сумкаси ичида шубҳали жисм борлигини кўрсатган. Шундан сўнг О.Н. нинг қўл сумкаси божхона кўригидан ўтказилганда унинг ичида контрабанда предмети ҳисобланувчи  1 дона 5.45 калибрли “Калашников” автоматининг жангавор патрони борлиги аниқланди.  

Бу ҳақида хабар берган вилоят божхона бошқармаси ахборот хизматининг маълум қилишича, жанговор  ўқ-дориларни мамлакатимиз ҳудудига ноқонуний олиб кириш контрабанда жинояти ҳисобланиб,  жазо муқаррарлиги белгиланган.  

Айни пайтда мазкур  ҳолат юзасидан терговга қадар текширув ҳаракатлари олиб борилмоқда.  

Холмўмин МАМАТРАЙИМОВ, ЎзА мухбири