Дунёда юз бераётган энг муҳим воқеаларнинг айримларини биз билан бирга кузатинг: Дональд Трампнинг янги «Тинчлик кенгаши» ташаббуси, Илон Маскнинг OpenAI ва Microsoftʼга қарши миллиардлаб даъволари, Суриядаги янги келишув, Ливияда озод этилган муҳожирлар, Европа давлатларининг Гренландия бўйича қўшма баёноти ҳамда жаҳонни ҳайратга солган ноёб сапфир ҳақидаги сўнгги хабарларни хориж хабарларида кўринг.

<iframe width="650" height="420" src="https://www.youtube.com/embed/AFUSGB7zcIQ" title="Xorij xabarlari: Liviyada yashirin qamoqxona aniqlanib, 200 dan ortiq muhojir ozod qilindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Трамп янги «Тинчлик кенгаши» тузишни таклиф қилди

Bloomberg хабар беришича, АҚШ президенти Дональд Трамп халқаро «Тинчлик кенгаши» тузиш ташаббуси билан чиқди. Кенгашга доимий аъзолик учун 1 миллиард доллар талаб этилади, қарорлар эса Трамп тасдиқламасдан кучга кирмайди.

Илон Маск OpenAI ва Microsoftʼга қарши 134 миллиард долларлик даъво киритди

Илон Маск OpenAI ва Microsoftʼни судга бериб, улардан 134 миллиард долларгача товон пули талаб қилмоқда. У компания ривожига катта ҳисса қўшганини таъкидламоқда.

Халқаро Миграция Ташкилоти 2026 йил режасини эълон қилди

ХМТ 2026 йил учун Инқирозга жавоб режасини тақдим этди. Режага кўра, 22,7 миллион инсонга ёрдам кўрсатиш учун 2,5 миллиард доллар талаб этилади.

Шри-Ланкада дунёдаги энг йирик сапфир намойиш этилди

Оғирлиги 3563 карат бўлган «Star of Pure Land» сапфири оммага тақдим этилди. Унинг қиймати 300–400 миллион доллар деб баҳоланмоқда.

Сурияда ҳукумат ва Сурия Демократик Кучлари келишувга эришди. Томонлар шимоли-шарқда хавфсизликни таъминлаш, ўт очишни тўхтатиш ва ҳудудларни давлат назоратига қайтариш бўйича келишувга келди.

Ливияда яширин қамоқхонадан 200 дан ортиқ муҳожир озод қилинди

Куфра шаҳрида ер ости қамоқхонаси аниқланиб, ундан 200 нафардан ортиқ муҳожир озод этилди. Жиноят бўйича бир гумонланувчи судга берилди.

Европанинг 8 давлати Гренландия хавфсизлигини қўллаб-қувватлади

Европанинг саккиз давлати Арктика хавфсизлиги ва Гренландия суверенитетини ҳимоя қилиш бўйича қўшма баёнот эълон қилди.

Франция парламентида НАТОдан чиқиш ташаббуси муҳокамада

Францияда НАТОдан чиқиш бўйича резолюция лойиҳаси тайёрланди. Ташаббус мамлакатнинг ҳарбий ва дипломатик мустақиллигини оширишга қаратилган.

Нозимбек Мардонов, Д.Ёкубов ЎзА