Мамлакатимизда ҳар йили декабр ойининг иккинчи якшанбаси “Қишлоқ хўжалиги ходимлари куни” сифатида кенг нишонланади.

Сана муносабати билан Хива шаҳрида ўтказилган байрам тадбирида Хоразм вилоят ҳокими Жўрабек Раҳимов жорий йилда  қишлоқ хўжалиги соҳасида эришилган ютуқлар ҳақида тўхталиб, барчани байрам билан самимий муборакбод этди.

Тантанали тадбирда қишлоқ хўжалиги ходимларининг меҳнати яна бир бор эътироф этилиб, илғорлар муносиб рағбатлантирилди.  Санъат усталари ижросидаги консерт дастури барчага кўтаринки кайфият бағишлади.

Аҳмаджон Шокиров, ЎзА