Хива шаҳрининг "Арда Хива" туризм мажмуасида жорий йилнинг 14 декабр куни “Хоразм палови” халқаро ош фестивали бўлиб ўтади.

Халқаро фестивалда 70 дан ортиқ ош усталарининг беллашуви, таниқли ошпазларнинг “Маҳорат дарслари”, ҳунармандчилик, “AGRO” ва “FOOD” туризм кўргазмалари, мамлакатимиз ва хорижнинг машҳур санъаткорлари ижросида концерт дастурлари, шунингдек, “Кўнгилочар” томошалар ташкил этилади. 

Шу куни Хоразмда илк бор 9 тонна ош тайёрланади.

Тадбирда бутун дунёдан келган ошпазлар, сайёҳлар ва блоггерлар, шарқ ошхонаси мухлислари юртимизнинг бой гастрономик меросини биргаликда тарғиб этадилар. 

Бу эса воҳа ва унинг меҳмонлари учун шарқона меҳмондўстлик муҳитидан, ўзига хос таъмлар ва санъатдан баҳраманд бўлишнинг ажойиб имкониятидир.

<iframe width="640" height="420" src="https://www.youtube.com/embed/o-xxWRoGeqA" title="&quot;Xorazm palovi&quot; xalqaro osh festivali" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Аҳмаджон Шокиров,
Беҳзод Саидов (сурат, видео), ЎзА