Жорий йилнинг ноябрь ойидан хоккей бўйича бошланган Ўзбекистон очиқ чемпионати баҳсларида Тошкентнинг “Ҳумо” жамоаси етакчилик қилмоқда.

Очиқ чемпионат ўйинларида Ўзбекистоннинг "Ҳумо" (Тошкент), "Бинокор" (Тошкент) ва "Шердор" (Самарқанд) жамоалари қаторида Қирғизистоннинг "Учур" (Бишкек) ҳамда "СДЮШОРСИ Алга" (Бишкек) хоккейчилари кучлиликка даъвогарлик қилмоқда.

Ҳозиргача барча жамоалар мусобақа дастурида кўрсатилган ўйинларда майдонга тушган бўлса, бугунгача 6 та ўйинда 4 та ғалаба, 2 та мағлубият ҳолатида 9 очко жамғарган "Ҳумо" хоккейчилари турнир жадвалида пешқадамлик қилмоқда.

Куни кеча Ўзбекистон хоккей федерацияси декабрь ойида ўтадиган ўйинлар тақвимини эълон қилди. Унга кўра, “Ҳумо” жамоаси илк баҳсни 14 декабрь куни Қирғизистоннинг "Учур" жамоасига қарши ўтказади.

Т.Рўзиев, ЎзА