Чехияның Прага және Острава қалаларында өткен хоккейден ересектер арасындағы әлем чемпионаты аяқталды.

Ел астанасы Прагадағы «O2 Аренада» өткен финалдық ойында Чехия құрамасы Швейцарияны қабылдап, 2:0 есебімен жеңіске жетті. 

Дэвид Пастрняк пен Дэвид Кемпф соққан шайбалар чехтарға жеңіс әкелді. Бұл құрама ең кейінгі рет 2010 жылы әлем чемпионы атанған болатын. 

Әлем чемпионатының қола жүлдесі үшін өткен соңғы кездесуде Швеция құрамасы бұрынғы әлем чемпионы Канаданы жеңді. Былтыр әлем чемпионы атанған Канада бұл жолы жүлдесіз қалды. 

Еске сала кетсек, 88-ші әлем чемпионаты 2025 жылы Швеция мен Данияда өтеді.