Пойтахтимизда Олмазор туман ҳокими Азизхон Умархонов туман ёшлари билан учрашди.

Ёшлар билан тизимли ишлаш, уларнинг муаммо ва таклифларини ўрганиш, бандлигини таъминлаш ва бўш вақтларидан мазмунли фойдаланиши учун қулай шароитлар яратиш мақсадида ташкил этилган тадбирда 550 нафарга яқин ёш иштирок этди.  

Самимий мулоқот давомида туман ҳокими ёшларга яратилаётган шароитлар ва имкониятлар, келажакда кўпроқ ютуқ ва муваффақиятларга эришиш йўллари хусусида фикр-мулоҳазаларини билдирди.  

Учрашув сўнгида тарбияси ва одоби билан, ҳорижий тилларни мукаммал ўрганиб тенгдошларига ўрнак бўлиб келаётган 15 нафар ёшга Ташаккурнома ҳамда эсдалик совғалари топширилди. Шу билан бирга, тумандаги истеъдодли ёшларга сертификатлар тақдим этилди.  

Гулноза Бобоева, ЎзА