Фарғона вилоятида саноат ва қишлоқ хўжалиги маҳсулотлари ишлаб чиқариш ҳажми йилдан-йилга ортиб бормоқда. Бунинг сабабларидан бири вилоятга кириб келаётган ҳорижий инвестиция ва экспорт миқдорининг ортиб бораётганидадир. Ўтган 2025 йилда Фарғона вилоятида жами 3,7 млрд.долларлик инвестициялар ўзлаштирилди. Бу 2024 йилга нисбатан 1,7 марта кўпдир. Асосий инвестор Хитой (унинг ҳиссасига 1млрд 539 млн.доллар тўғри келади). Россия 360, Туркия 255 млн. долларга тенг инвестиция киритди вилоятга.

Экспорт ҳам ўсиб, 1млрд 97 млн долларни ташкил этди. Унинг асосий қисми – 444 млн.долларлиги Россияга, Қирғизистон, Афғонистон, Туркия каби давлатларга эса 74-50 млн долларлик Фарғонада ишлаб чиқарилган маҳсулот экспорт қилинди.

Фарғона вилоят ҳокими ўринбосари Нуриддин Мамажонов бугун ОАВ вакиллари билан бўлган учрашувда 2025 йил якунлари ва 2026 йил режалари ҳақида маълумот берди. Маълум қилинишича, иқтисодий ўсиш: инвестиция, экспорт, халқаро алоқалар ва ҳамкорлик 2026 йилда ҳам давом этиши кутилмоқда. Масалан, бу йил хорижий инвестиция миқдорини 4,2 млрд долларга етказиш, экспортни эса 1,3 млрд доллардан ошириш режалаштирилган.

Матбуот анжуманида ҳоким ўринбосари журналистларни қизиқтирган саволларга жавоб берди.

<iframe width="650" height="420" src="https://www.youtube.com/embed/w4ERhFEaPkM" title="Hokim o‘rinbosari jurnalistlarning savollariga javob qaytardi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳаммаджон Обидов, Элёр Олимов(видео, сурат), ЎзА