Сирдарё вилояти ҳокими Акмалжон Маҳмудалиев Исроил давлатининг "Razore Investments Engineering and Consulting" компанияси вакилларини қабул қилди. Мулоқот давомида вилоятда донни қайта ишлаш ва бу орқали омухта ем, лизинг ва глютен олиш, шунингдек, муқобил энергия манбаларидан фойдаланишда зарур бўладиган ускуналар ишлаб чиқариш лойиҳаларини амалга ошириш масалалари муҳокама қилинди.

Айни жараёнда исроиллик инвесторлар томонидан вилоятнинг иқтисодий салоҳиятидан келиб чиққан ҳолда қуёш панеллари ва шамол генераторлари ёрдамида олинадиган энергияга бўлган эҳтиёжи ўрганилгач таклиф ишлаб чиқилиши ва икки томонлама манфаатли лойиҳа доирасида инвестиция киритилиши таъкидланди.  

Учрашув давомида келгусида аниқ лойиҳаларни ишлаб чиқиб, уларни амалиётга татбиқ этишга келишиб олинди.  

Ш.СУЯРОВ, ЎзА