Халықаралық Олимпиада комитеті (ХОК) Ресей Олимпиадалық комитетінің (РОК) жұмысын «бұдан әрі ескертуге дейін» тоқтатты. Бұл Ресей Олимпиада комитетінің Олимпиадалық қозғалыстан ешқандай қаржы ала алмайтынын және Ұлттық Олимпиада комитеті (ҰОК) қызметін атқаруға құқығы жоқ дегенді білдіреді.

Бұған «Украина Ұлттық Олимпиада комитетінің құзырындағы аймақтық спорт ұйымдарын мүшелікке қабылдау туралы біржақты шешім» себеп болған. Әңгіме Украинаның оккупацияланған аумақтары – Донецк, Луганск, Херсон және Запорожьедегі ұйымдар туралы айтылып отыр.

«Бұл Олимпиада хартиясын бұзу болып табылады, өйткені бұл ХОК мойындаған Украина ҰОК аумақтық тұтастығын бұзу болып табылады», - делінген ХОК мәлімдемесінде.

Бұл ретте ХОК «кейбір бейтарап спортшылардың ресейлік төлқұжаттары бар» 2024 жылы Парижде өтетін Олимпиада ойындарына және 2026 жылы Италияда өтетін қысқы Олимпиада ойындарына қатысуы туралы шешім қабылдау құқығын өзіне қалдырған.

Сондай-ақ, ХОК Атқарушы кеңесі жағдайдың өзгеруіне байланысты кез келген басқа шешімдер немесе шаралар қабылдау құқығына ие.

Еске сала кетсек, 7 қазанда Ресей Олимпиада комитеті құрамына мойындалмаған Луганск халық республикасының Олимпиада кеңесі кіргенін хабарлаған еді.