Хива шаҳрида ИҲТга аъзо – Туркия, Сенегал, Сомали, Қозоғистон, Тожикистон, Туркманистон, Уганда, Озарбайжон, Бангладеш, Буркина-Фасо, Габон, Миср, Ироқ, Ливия, Малайзия, Индонезия, Cингапур, Малдив ороллари, Ўмон, БАА ва бошқа бир қатор мамлакатларнинг туризм расмийлари иштирокида ташкилотнинг Туризм бўйича мувофиқлаштирувчи қўмитасининг IХ мажлиси ўтказилмоқда.

Унда ташкилот доирасида сайёҳлар оқимини ошириш, туризмнинг янги йўналишларини ривожлантиришда ўзаро ҳамкорлик қилиш, шунингдек, тўсиқсиз туризм учун имкониятларни кенгайтириш масалаларини муҳокама қилишмоқда.  

Эслатиб ўтамиз, 2022 йилда Хива 2024 йил Ислом дунёсининг туризм шаҳри сифатида танланган. Жорий йилнинг март ойида ИҲТ бош котиби ўринбосари Аҳмад Кавеса Сенгендо томонидан Хива шаҳри ҳокимига сертификат топширилган эди.  

<iframe width="647" height="1151" src="https://www.youtube.com/embed/t6XgG1Wa-iA" title="Xivada Islom hamkorlik tashkilotiga aʻzo davlatlarning turizm vazirlari sessiyasi boshlandi." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Марҳабо Мадаминова, ЎзА