Хорезм облысының Үргеніш ауданында Хиуа хандығы мен Бұхара әмірлігінің тарихи тиындарын бес мың долларға сатып жатқан азамат ұсталды.

Облыстық ІІБ ақпарат қызметінің хабарлауынша, Үргенін ауданында тұратын 1963 жылы туған Қ.Б. есімді азамат осы жылдың 13 ақпанында Хиуа хандығы кезіндегі 2 тиын және Бұхара әмірлігі кезіндегі 1 тиынды заңсыз танысына 5 мың АҚШ долларына сатып жатқан кезде ұсталды.

Осыдан кейін күдіктінің үйін бейтарап адамдардың қатысуымен тексерген кезде оның көне жәдігерлер сақтағаны анықталып, бұл жағдай тиісті тәртіпте рәсімделді.

Қазір осы жағдайға байланысты тергеу амалдары жүргізілуде.