«Лазги» халықаралық би фестивалінің ашылу салтанаты Ичан Каланың көне Арк алаңында өтті.

Мәдениет министрлігінің хабарлауынша, «Лазги» халықаралық би фестивалі 25-30 сәуір аралығында Хорезм облысының Хиуа қаласында өтеді. Айтулы шара ЮНЕСКО, Туризм және мәдени мұра министрлігі, Мәдениет министрлігі, Хорезм облысының әкімдігі және басқа да мекемелермен бірлесіп ұйымдастырылуда.

Халықаралық би фестивалінің ашылу салтанатына әлемнің 30 елінен 175-тен астам би өнерінің майталмандары, кәсіби би ұжымдар, өнертанушылар, мәдениет саласының көрнекті қайраткерлері мен БАҚ өкілдері қатысты.

Фестиваль аясында өтетін байқауға әлемнің 18 елінен 160 қатысушы қатысады. Жарысқа алты елден келген тәжірибелі, кәсіби 6 төреші төрелік етеді.

Фестивал аясында би өнеріне арналған көрме павильондары, ұлттық музыкалық аспаптар мен киімдер, қолөнер бұйымдары, бейнелеу және қолданбалы өнер туындылары, мүсіндер, көркем және деректі фильмдер, аудио және бейне дискілер, кітаптар, альбомдар, фотосуреттер және олардың көрсетілімі және Ичан-Қала кешені аумағында сауда жасау ұйымдастырылады.

«Лазги» хорезм биі Өзбекстанның мәдени мұрасының элементі ретінде адамзаттың материалдық емес мәдени мұрасының репрезентативті тізіміне енгізілген. Атаулы қаулы 2019 жылғы 12 желтоқсанда ЮНЕСКО-ның Материалдық емес мәдени мұраны қорғау жөніндегі үкіметаралық комитетінің 14-ші отырысында қабылданған.