Хитой раҳбари Си Цзиньпин Япония Бош вазири Фумио Кисидага икки давлат ўртасида дипломатик алоқа ўрнатилганининг 50 йиллиги муносабати билан табрик мактуби йўллади.

Хитой-Япония мунсабатини янги давр талабига кўра ва асосий тенденцияларни ҳисобга олган ҳолда қуришимиз учун мен сиз билан кучларни бирлаштиришга тайёрман», деди Хитой раҳбари. Бу ҳақда «Синьхуа» агентлиги хабар берди.

Си Цзиньпин Япония билан муносабатни мустаҳкамлашга катта эътибор қаратади ва алоқаларнинг 50 йиллик юбилейи Пекин ва Токио ўртасидаги яхши қўшничиликни ривожлантиришда яна бир муҳим қадам бўлиб қолиши керак, деб ҳисоблайди.

Шунингдек, у икки давлат ўртасидаги ҳамкорлик муҳим келишувга асосланганини эслатди.

«Биз барча соҳаларда шерикликни мутассил чуқурлаштирмоқдамиз», деди Хитой раҳбари.

Си Цзиньпин Хитой ва Япония ўртасидаги бундай ижобий ҳамкорлик минтақавий ҳамда жаҳон миқёсида тинчлик ва тараққиётни таъминлашга хизмат қилишини таъкидлади.