Ипакчилик ва жун саноатини ривожлантириш қўмитаси раиси Баҳром Шарипов Хитой Халқ Республикасидан ташриф буюрган инвесторлар “Mercury Group” халқаро харидлар етакчиси, Dubay “WAHAH TRADE” МЧЖ раҳбари Дон Ин ҳамда “Mercury Group” бошқарма бошлиғи Гуань Вей Вей билан учрашди.

Унда ипак маҳсулотлари экспорт ҳажмини ошириш ва пиллачиликда ҳамкорликни ривожлантириш масалалари муҳокама қилинди.  

Шунингдек, жорий йилнинг 11 июль куни давлатимиз раҳбари раислигида инвестициялар жалб қилишни янада кенгайтириш бўйича қўшимча чора-тадбирлар юзасидан ўтказилган видеоселектор йиғилишида берилган топшириқлар ижросини таъминлаш мақсадида Хитойдан янги инвестицион лойиҳаларни жалб қилиш масалалари кўриб чиқилди.    

Хулоса ўрнида айтиш мумкинки, пиллачилик тармоғида ХХР билан ҳамкорлик алоқалари тобора ривожланиб бормоқда ва бу соҳанинг ҳар жабҳасида ўз самарасини бермоқда.  

Гулноза Бобоева,  

ЎзА