Хабарингиз бор, Тошкент шаҳар жамоат транспорти тизимини ривожлантириш мақсадида Тошкентга Хитой Халқ Республикасидан 1000 та автобус, электробуслардан эса 400 та келтирилган эди. Ушбу келтирилган транспорт воситалари ҳаракатланиш учун бугун йўналишларга чиқарилди.

Жорий йилнинг 20 апрел куни тонгдан Тошкент шаҳри йўловчилари учун мўлжалланган 400 та автобус ва электробуслар пойтахтимизнинг 33 та йўналишлари бўйлаб ҳаракатни бошлади.  

Йўловчи оқими катта йўналишларнинг 8 тасига 18 метрлик ўта катта ҳажмли автобуслар, марказий кўчалардан шаҳарнинг чекка ҳудудларига ҳаракатланувчи йўналишларнинг 16 тасига электробуслар, 9 тасига сиқилган табиий газда ҳаракатланувчи янги автобуслар бириктирилган. Ушбу йўналишлардаги оралиқ интервал ҳам 6-8 дақиқага қисқартирилади.  

Йўналишлардан бўшаган “МАН”, “Мерcэдес Бенз”, “САЗ ЛE-60” русумли автобуслар ҳам қўшимча равишда мавжуд йўналишларга бириктирилади.

“Yutong Bus Со., Ltd” компаниясида ишлаб чиқарилган экологик тоза, ҳар томонлама қулай ва замонавий кўринишда бўлган электробуслар Ўзбекистон иқлимига мослаштирилган, аккумуляторлари Тошкентнинг иссиқ ва чангли ҳавосида ҳам бемалол ишлай олади. Чиройли ва замонавий кўринишга эга бўлиб, 360 от кучига эга.

<iframe width="650" height="420" src="https://www.youtube.com/embed/DY-C2PPRL_I" title="Хитойдан келтирилган электробус ва автобуслар аҳоли фойдаланиши учун топширилди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Электробусларнинг корпусидаги рамкаси пўлат қувурлардан ясалган, унинг қўллаб-қувватловчи тузилмаси ҳатто Европа ва Россия хавфсизлик стандартлари талабларига жавоб беради. ЙТҲлари юз берган вақтда эса йўловчилар ва автобуснинг ўзига минимал зарар етиши мумкин холос.

Мазкур транспорт воситалари ёзнинг иссиқ мавсуми учун мўлжалланган кондиционерлар билан ҳам таъминланган.

12 метрлик 80-90 нафар, 18 метрлик 150 нафар йўловчиларни ташиш учун мўлжалланган мазкур транспорт воситаларида шунингдек, ногиронлиги бўлган йўловчиларнинг аравачаларда ҳаракатланишлари учун қулай бўлган бир қанча шароитларни кўриш мумкин. Тез орада транспорт карталари орқали фойдаланиш тизими ҳам ишга туширилади.

Эслатиб ўтамиз, Президент қарорига мувофиқ Тошкентга 400 та автобус ва электробуслар олиб келинган бўлиб, 169 таси Yutong электробуслари, 117 таси узунлиги 12 метр бўлган сиқилган табиий газда ҳаракатланувчи Yutong автобуслари, 114 таси эса ўта катта сиғимли КингЛонг автобуслардан иборат.  

Келгусида эса Тошкентга яна 600 тa автобус ҳамда электробус олиб келиниши кўзда тутилган.  

М.Эшмирзаева, Д.Якубов (видео), ЎзА