Хитой шимоли-ғарбидаги Гансу провинциясида 6,2 магнитудали зилзила содир бўлди. Зилзила эпицентри 10 км чуқурликда жойлашган.

Табиий офат оқибатида 118 дан ортиқ одам ҳалок бўлган ва 20 киши бедарак йўқолган. Хитой Халқ Республикаси раиси Си Цзиньпин кенг кўламли қидирув амалиётини ўтказишга чақирди. 

Аниқлик киритилишича, зилзила 18 декабрдан 19 декабрга ўтар кечаси, кўпчилик ухлаб ётган вақтда содир бўлган. Ҳодиса оқибатида 4700 дан ортиқ уй зарар кўрган, айрим қишлоқларда электр ва сув таъминоти узилган. 

Эслатиб ўтамиз, шу йилнинг май ойида Хитойнинг Юннан провинциясида 5,3 магнитудали зилзила юз берган эди. 

Шавкат Мирзиёев Хитой раиси Си Цзиньпин га Гансу ва Синхай провинцияларида содир бўлган ва инсонлар ўлимига сабаб бўлган вайронкор зилзилалар муносабати билан ҳамдардлик билдирди. 

<iframe width="650" height="420" src="https://www.youtube.com/embed/NEfSPgWrfQo" title="" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Марҳабо Мадаминова, Аслиддин Алижонов (видео), ЎзА