Хитой шарқидаги Цзянсу провинциясида инсоннинг “H10N3” парранда гриппига чалиниши билан боғлиқ илк ҳолат қайд этилди.

“ТАСС” нинг Хитой саломатлик ва гигиена масалалари бўйича давлат қўмитаси маълумотига кўра берган хабарида айтилишича, касалликка чалинган Чжэньцзян шаҳрилик 41 ёшли эркак киши ҳозирда деярли соғайиб кетиш арафасида.

У билан мулоқотда бўлганларнинг барчаси шифокор назоратида.

Аввалроқ “H10N3” геноми таҳлили мазкур вирусни ўта юқумли эмаслигини кўрсатганди.